Најмалку 70 луѓе исчезнаа во свлечиште во рудник во Мјанмар

АНКАРА (АА) - Најмалку 70 лица исчезнаа во свлечиште што се случи во рудник за жад на северот на Мјанмар, пренесува Агенција Анадолија (АА).

Според веста на „Би-би-си“ (BBC), во околу 4:00 часот по локално време се случи свлечиште во рудник во областа Хпакант во државата Качин.

Најмалку 70 луѓе кои работеле во рудникот се пријавени за исчезнати.

Според активностите за пребарување и спасување, повеќето од исчезнатите лица во свлечиштето се рудари што работеле нелегално.

Мјанмар, кој ги има најголемите ресурси на жад во светот, доживеа многу рударски несреќи во текот на годините.

Иако во регионот Хпакант рударството е забрането, локалното население, чии економски услови се влошија поради невработеноста и епидемијата на Ковид-19, ги игнорира забраните.

Пред неколку дена беше соопштено дека најмалку 10 рудари исчезнале во свлечиште во рудник во истото подрачје.

​​​​​​​Повеќе од 160 рудари, од кои повеќето имигранти, загинаа во несреќата во истиот рудник во Хпакант во 2020 година. ​​​​​​​