Пожар во висококатница во Берлин предизвика паника кај граѓаните

БЕРЛИН (АА) - Голем пожар избувна на последниот кат од висококатница во изградба во Берлин, на само 250 метри од седиштето на Христијанско-демократската унија на Германија (CDU), предизвикувајќи паника во подрачјето, јавува Анадолу.

Повеќе од 100 пожарникари интервенираа на местото на настанот, на аголот меѓу улиците Курфирстен и Шил, каде што се наоѓа зградата која сѐ уште е во фаза на изградба.

Сведоци пријавиле дека за време на пожарот се слушнале три силни експлозии, за кои се претпоставува дека биле предизвикани од боци со гас користени во градежните активности.

Поради пожарот, околните улици беа затворени за сообраќај, што предизвика голем сообраќаен метеж.

Властите сè уште не дадоа информации за причината за пожарот, ниту дали има повредени или жртви.