Растот на населението во Брисел запре за првпат по 30 години

Бројот на жители во белгискиот Регион на главниот град Брисел остана практично непроменет во 2025 година, со што заврши тридеценискиот период на непрекинат раст, покажуваат податоците објавени денес од Бриселскиот институт за статистика и анализа (БИСА), пренесува Анадолу.

Регионот броеше 1.255.834 жители на 1 јануари 2026 година, што е само 39 лица повеќе во споредба со претходната година, според бројките од белгиската статистичка агенција Статбел и Националниот регистар, на кои се повикува информативниот портал Бруз.

Од БИСА наведоа дека стагнацијата главно се должи на наглиот пад на меѓународните миграции и континуираното иселување на населението од Брисел кон белгиските региони Фландрија и Валонија.

Околу 18.553 лица се преселиле од Брисел во Фландрија или Валонија отколку што се доселиле во спротивна насока.

Меѓународната миграција остана главниот фактор што го поттикнува растот на населението.

Во 2025 година, 48.179 лица се доселиле во Брисел од странство, додека 34.191 жител ја напуштиле земјата, што резултирало со позитивен биланс на меѓународна миграција од 13.988 лица.

Од БИСА соопштија дека билансот на меѓународна миграција опаднал за 27,9 % во споредба со претходната година.

Бројот на лица кои пристигнале од странство се намалил за повеќе од 6.000 во споредба со 2024 година и за речиси 14.000 во споредба со 2022 година.

БИСА исто така забележа пад на бројот на жителите на Брисел со странско државјанство, што се случува за првпат по две децении.

На 1 јануари 2026 година, 461.155 жители на Регионот на главниот град Брисел немале белгиско државјанство, што е за речиси 6.000 помалку отколку една година претходно.

Овој пад главно се припишува на зголемувањето на трошоците за стекнување белгиско државјанство. Надоместокот се зголемил од 150 евра на 1.000 евра во текот на летото 2025 година.