Речиси два милиона муслимански верници се искачија на ридот Арафат како дел од годишниот аџилак

МЕКА / ИСТАНБУЛ (АА) - Речиси два милиона муслимански верници денес се искачија на ридот Арафат во близина на саудискиот град Мека како дел од годишниот аџилак, јавува Анадолу.

Минувајќи ја ноќта во молитва и споменување на Бога во шаторскиот град на Мина - првиот дел од петдневниот аџилак - аџиите, облечени во бела облека што ја потенцира рамноправноста без оглед на социјалниот статус или националноста, се подготвија за престојувањето на ридот Арафат од рано утро.

Верниците ќе го поминат цел ден на Арафат во постојана молитва и барање прошка и милост од Бога.

Потоа ќе се спуштат во Муздалифа, на половина пат помеѓу Арафат и Мина.

Ќе се вратат во Мина, каде што ќе учествуваат во симболичниот ритуал „каменување на ѓаволот“.

По ритуалот на каменување, утре аџиите ќе жртвуваат животни и ќе го одбележат почетокот на празнувањето на Курбан бајрам.

Аџилакот е петтиот столб на исламот - обред што треба да го извршат сите муслимани барем еднаш во животот, доколку имаат финансиски можности.