Русија: Уништивме центар во кој беа стационирани странски платеници во Украина

МОСКВА (АА) - Руското Министерство за одбрана соопшти дека е уништен центар во кој биле стационирани странски платеници во областа Харков во Украина, јавува Агенција Анадолија (АА).

Се наведува дека центарот е уништен со високопрецизни проектили од воздух.

Портпаролот на руското Министерство за одбрана, Игор Конашенков, наведе дека руската Војска продолжува со нападите во Украина.

„Уништен е центар во кој се стационирани странски платеници, во близина на населбата Андриивка во областа Харков“, рече Конашенков.

Наведе и дека руските борбени тактички единици нападнале 48 воени подрачја.

„Во овие напади уништени се пет тенкови, осум специјални возила и складиште за муниција во близина на населбата Краснопиље“, изјави Конашенков.

Како што рече, во последните 24 часа собориле и воен авион Миг-29 во Миколајевската Област и Су-25 во подрачјето на Харков.

Конашенков изјави и дека се погодени и 12 дронови.

Портпаролот на руското Министерство за одбрана соопшти дека запленети се три повеќецевни ракетни фрлачи „Ураган“.