Русија: Ја зазедовме населбата Елизаветовка во Доњецк

МОСКВА (АА) - Руското Министерство за одбрана извести дека ја заземале населбата Елизаветовка во областа Доњецк во Украина, известува Анадолу.

Руското министерство објави ажурирани информации за активностите на руските вооружени сили во Украина.

Во соопштението се наведува дека руската армија ги зајакнала своите позиции на украинскиот фронт, додавајќи дека „како резултат на решителните дејствија, трупите на Централната воена група ја ослободиле населбата Елизаветовка во Народна Република Доњецк“.

Во соопштението се истакнува дека во последните 24 часа биле извршени напади во 141 регион врз инфраструктурата на воените аеродроми, магацини за оружје и муниција, центрите за обука за беспилотни летала (UAV), областите каде што се лоцирани тактички проектили и каде што се привремено стационирани украински војници и странски платеници во Украина.