Servet Günerigök
25 Јануари 2022•Ажурирај: 26 Јануари 2022
ВАШИНГТОН (АА) - Претседателот на Соединетите Американски Држави (САД), Џо Бајден, беше фатен на микрофон во живо како го нарекува новинарот од Белата Куќа кој известува за „Фокс њуз“ „Глуп к***** син“, откако беше прашан за инфлацијата во земјата, јавува Агенција Анадолија (АА).
Бајден зборуваше пред состанокот со Советот за конкуренција на Белата куќа на кој ќе се разговараше за намалувањето на цените на различни производи за работните семејства во услови на зголемена инфлација.
На крајот на настанот, новинарот Питер Дуси го праша Бајден: „Дали би одговориле на прашање за инфлацијата? Дали мислите дека инфлацијата е политичка одговорност на средина на мандатот?“
„Тоа е голема предност, повеќе инфлација. Колку глуп к***** син“, рече Бајден, кој мислеше дека микрофонот е исклучен.
Неколку часа подоцна, Бајден наводно го повикал новинарот на „Фокс њуз“ за да се извини. Дуси подоцна му рече на водителот на „Фокс њуз“, Шон Ханити дека претседателот го повикал и му рекол, „Не е ништо лично, пријателе!“.
„Тој ја отстрани напнатоста и јас го ценам тоа. Имавме добар разговор“, рече Дуси.
Кога беше прашан дали Бајден му се извинил, Дуси одговори, „Не треба никој да ми се извинува на мене“.
Вулгарниот одговор на Бајден предизвика реакции кај новинарите од Белата куќа и корисниците на Твитер, при што некои го поддржаа претседателот, а некои му се спротивставија.
