Самоубиствен напад во центарот за воена обука во Сомалија: Загинаа 20 војници

Дваесет војници го загубија својот живот во самоубиствениот напад извршен во центарот за воена обука во Сомалија, јавува Агенција Анадолија (АА).

Абдифатах Хасан, полициски службеник, во изјава за АА истакна дека нападот бил извршен во утринските часови во воениот центар „Генерал Дагабадан“, што се наоѓа во подрачјето на Вадаџир во сомалискиот главен град Могадишу.

Според вестите на локалните медиуми, како резултат на активирањето на бомбата што ја носело едно лице, кое се наоѓало меѓу војниците во текот на обуката, загинале најмалку 20 војници, додека голем број војници се повредени.

Одговорноста за нападот во центарот за воена обука ја презеде терористичката организација „Еш Шебаб“, која тврди дека во нападот загинале најмалку 40 војници.