Саудиска Арабија: Двајца загинати во нападот извршен во близина на американскиот Конзулат во Џеда

ТОРОНТО (АА) - Вооружен маж вчера разменил оган со саудиските безбедносни сили во близина на американскиот Конзулат во Џеда и бил убиен во престрелката заедно со чуварот Непалец, пренесува Анадолу.

„Едно лице во автомобил застана во близина на зградата на американскиот Конзулат во Џеда и излезе од возилото носејќи огнено оружје во раката, па безбедносните сили презедоа иницијатива да се справат со него како што беше потребно, а размената на оган резултираше со негова смрт“, изјави портпаролот на полицијата во регионот Мека, според државната новинска агенција СПА.

Не се објавени детали за вооружениот напаѓач.

Полицијата соопшти дека се води истрага за инцидентот.