Судовите во Велика Британија ги забранија паметните очила на Мета

Судовите во Англија и Велс им се приклучија на бројни ресторани, театри и пабови во забраната за користење паметни очила на Мета, поради зголемената загриженост околу нивната можна употреба како „шпионски софтвер“, објавија британските медиуми, пренесува Анадолу.

Судската служба соопшти дека на секој што ќе се обиде да влезе во судските згради со овие очила тие ќе му бидат одземени и ќе му бидат вратени при напуштање на објектот, објави вчера ексклузивно „Гардијан“.

Одлуката следува по еден месец откако судовите во Њујорк најавија забрана за контроверзните очила, кои можат да снимаат видео додека се носат.

Службата на Неговото Височество за судови и трибунали (HMCTS), која е надлежна за кривичните, граѓанските и семејните судови во Англија и Велс, одлучи да им бидат одземани очилата на Мета на сите лица што ќе влегуваат во нејзините објекти.

„Постојат јасни ограничувања за фотографирање и снимање видео во судовите и трибуналите, поради што употребата на очилата на Мета е забранета“, изјави портпарол на HMCTS за британскиот дневен весник.

Во Велика Британија, фотографирањето или снимањето видео во судските згради без официјална дозвола е забрането и може да биде санкционирано како непочитување на судот.