Туристите на планината Етна панично бегаат по ерупцијата на вулканот

СКОПЈЕ (АА) - Туристите бегаат во паника откако југоисточниот кратер на вулканот Етна делумно се урна вчера, предизвикувајќи пирокластичен тек – опасна, брза и исклучително жешка мешавина од вулкански гасови, пепел и камења, јавува Анадолу.

Според Националниот институт за геофизика и вулканологија на Италија (INGV), чие соопштение го пренесе државната новинска агенција АНСА, токму колапсот на кратерот ја активирал оваа силна еруптивна фаза.

Иако засега не се издадени наредби за евакуација, жителите од околните населби се повикани да останат подготвени и да ги следат информациите и упатствата на надлежните служби, додека ситуацијата внимателно се следи од страна на институциите.

На социјалните мрежи се споделени видеоснимки на кои се гледаат туристите како во паника бегаат од областа додека ерупцијата се развива.

Етна, најактивниот вулкан во Европа, се наоѓа на јужниот италијански остров Сицилија и често е познат по своите спектакуларни ерупции. Во последните месеци, забележано е зголемување и на сеизмичката и на вулканската активност, што укажува на потенцијални нови еруптивни циклуси.

Во текот на последните месеци, неговата сеизмичка и вулканска активност е зголемена.