Туркије пред МСП: Меѓународната заедница падна на тестот за Газа, Тел Авив го користи гладот ​​како оружје

ЖЕНЕВА (АА) - Туркије го обвини Израел дека ја користи гладта како оружје против цивилите во Газа денес за време на сослушувањето во Меѓународниот суд на правдата (МСП) и истакна дека меѓународната заедница „сериозно потфрлила“ во спречувањето на широко распространето уништување и губење на животи, известува Анадолу.

„Меѓународната заедница сериозно потфрли во запирањето на израелската агресија и загубата на десетици илјади невини животи во Газа, претежно жени и деца“, рече Нух Јилмаз, заменик-министер за надворешни работи на Туркије.

Јилмаз рече дека причината за појавувањето на Туркије во судот е „континуираното кршење на меѓународните обврски од страна на Израел“, додавајќи дека против цивилите во Газа се води војна од „невидени размери“, која се шири и на Западниот Брег и соседните земји.

Тој го обвини Израел дека ја користи „гладта како оружје“ и „колективно казнување“, бидејќи Тел Авив ги затвори премините во Газа, блокирајќи го влезот на основните животни потреби во енклавата од 2 март.

„Таму каде што не се спроведува законот за да би се запрел Израел, постои хаос, анархија и масовни убиства, кои што го претставуваат геноцидот во Газа“, рече Јилмаз.

Туркије ги осуди и нападите на Израел врз агенцијата на ОН за палестински бегалци (УНРВА) и забраната за работењето на агенцијата, опишувајќи ги како кршење на привремените мерки на судот и можен чин на уништување на Палестинците како заштитена група.

Повикувајќи се на убиството на турско-американската хуманитарна работничка Ајшенур Езги Ејги за време на мирните протести на Западниот Брег, Јилмаз рече дека ризиците за хуманитарните работници и поантака остануваат високи.

„Туркије со почит бара од Меѓународниот суд на правдата да издаде советодавно мислење, кое ќе ги потврди обврските на Израел според меѓународното право и ќе го отвори патот за правда, мир и безбедност и за Палестинците и за Израелците“, рече заменик-министерот на турското МНР.

Израелската војска ги обнови нападите врз Газа на 18 март, прекршувајќи го договорот за прекин на огнот и размена на затвореници со палестинската група на отпорот Хамас постигнат на 19 јануари.

Речиси 52.400 Палестинци се убиени во Газа во бруталниот израелски напад од октомври 2023 година, офд кои повеќето се жени и деца.