Украина: Руската армија загуби вкупно 35.450 војници, од кои 200 во последното деноноќие

КИЕВ (АА) - Украинскиот Генералштаб соопшти дека Руската армија во последниот ден загубила 200 војници, а од почетокот на војната вкупно 35.450 војници, пренесува Агенција Анадолија (АА).

Во писменото соопштение на Генералштабот вклучени се информации за претрпените загуби на Руската армија во периодот од 24 февруари до 29 јуни.

Во соопштението се наведува дека Руската армија во последниот ден загубила 200 војници, 4 беспилотни летала, 5 тенка, 3 топа, 3 ракетни фрлачи, 16 оклопни возила, 3 крстосувачки ракети и 1 систем за противвоздушна одбрана.

Од почетокот на војната, Руската армија загуби вкупно 35.450 војници, уништени се 217 авиони, 185 хеликоптери, 1.572 тенка, 3.720 оклопни возила, 781 топ, 246 ракетни фрлачи и 103 системи за противвоздушна одбрана на руските сили.

Исто така, се наведува дека се уништени и 598 возила, 14 брода, лесни глисери и 640 беспилотни летала.

Меѓу другото, се нагласува дека 142 крстосувачки ракети лансирани од Русите се соборени и уништени од единиците на украинската воздушна одбрана.

Во соопштението се наведува и дека интензивните судири продолжиле во правец на Лисичанск, а најмногу руски војници животот го загубиле во правец на Бахмут, каде што продолжиле судирите.

Според истото соопштение, Руската армија се обидува да ги задржи регионите што ги зазеде во правец на Харков.

Во соопштението на руското Министерство за одбрана на 25 март беше објавено дека 1.351 руски војник загинале во Украина.