Mahmut Geldi
10 Август 2025•Ажурирај: 11 Август 2025
ИСТАНБУЛ (АА) - Уште 5-мина Палестинци починаа од глад во последните 24 часа во Појасот Газа, каде што населението се соочува глад поради израелските напади и блокади, со што бројот на смртни случаи од изгладнетост се зголеми на 217, известува Анадолу.
Мунир ал-Бурш, генерален директор на Министерството за здравство во Газа, во објава на својот профил на платформата Х, даде информации за лицата кои починале од глад во Газа.
Бурш наведе дека гладот наметнат во Газа, поради израелска блокада и брутални напади, продолжува да одзема животи и додаде дека уште 5 Палестинци, од кои две деца, починале од глад и неисхранетост во последните 24 часа.
Бурш истакна дека бројот на луѓе кои починале од глад во Газа се зголемил на 217, од кои 100 се деца.
- Газа умира од глад
Поради израелските напади и строгата блокада која го ограничува влезот на хуманитарната помош, Појасот Газа доживува хуманитарна катастрофа, со широко распространета глад и недостаток на вода, лекови, медицински материјали и хигиенски средства.
Смртните случаи од глад се зголемуваат во Појасот Газа, особено кај децата. Локалните и меѓународните кругови истакнуваат дека Израел ги користи „гладот и жедта како оружје“.
Израелската армија, која уништи 88 % од Газа со разорување на цивилната инфраструктура, често ги таргетира областите во кои се засолнети Палестинците раселени со наредби за прогон.
Бројот на луѓе раселени поради израелските напади и наредби за прогон од Газа, која има население од приближно 2,3 милиони, достигна 2 милиони, при што голем број луѓе постојано се раселуваат.
Лишени од основни материјали, Палестинците се борат да преживеат во импровизирани шатори или во преполни училишта каде што недостасуваат хигиенски средства, мијалниците и тоалетите се несоодветни, што предизвикува ширење на заразни болести.
Израелската армија, од друга страна, секојдневни напади ги бомбардира шаторите и цивилните засолништа во кои се засолнети раселените лица.
