Aysu Biçer
29 Ноември 2023•Ажурирај: 30 Ноември 2023
ЛОНДОН (АА) - Високиот комесар за човекови права на Обединетите нации (ОН), Волкер Турк, денес ги повика „сите што имаат влијание да се заложат за продолжен прекин на огнот во Газа врз основа на хуманитарните и човековите права“, јавува Анадолу.
„Се надевам дека ова може да го отвори патот за траен крај на насилството и да ги поддржи конкретните напори за постигнување траен мир за Палестинците и Израелците“, рече Турк за време на онлајн сесијата посветена на 75-годишнината од Универзалната декларација за човекови права и додаде:
„Сегашниот привремен прекин на огнот обезбедува одредено олеснување за цивилите, а за некои семејства долгоочекувано обединување со најблиските. Но пристапот до хуманитарна помош мора да се обезбеди и одржува низ Газа и сите заложници мора да бидат ослободени.“
Во понеделникот вечерта Катар објави дека хуманитарната пауза меѓу Израел и Хамас е продолжена за уште два дена, при што ќе се изврши натамошна размена на затвореници.
Израел започна голема воена кампања во Појасот Газа по прекуграничниот напад на Хамас на 7 октомври.
Оттогаш во израелските напади загинаа 15.000 луѓе, од кои 6.150 деца и 4.000 жени, според здравствените власти во енклавата.
Според официјални податоци, бројот на загинати во Израел изнесува 1.200.
