Манчестер Сити и Реал Мадрид во четвртфиналето на Лигата на шампиони

МАДРИД (АА) - Фудбалерите на Манчестер Сити и Реал Мадрид изборија пласман во четвртфиналето на Лигата на шампиони, известува Анадолу.

Манчестер Сити во реваншот извојува победа од 3:1, ист резултат како и на првата средба што се одигра во Копенхаген, и избори пласман во четвртфиналето на УЕФА Лигата на шампиони.

Стрелци за Сити беа Мануел Аканџи во 5. минута, Хулиан Албварез во 9. и Ерлинг Халанд во 45 + 3. минута на судиското надополнување. Единствениот гол за Копенхаген го постигна Мохамед Елјунуси во 29. минута.

Реал Мадрид на првиот натпревар во Лајпциг како гостин победи со 0:1, а синоќа на домашен терен на стадионот „Сантјаго Бернабеу“, потешко од очекуваното, ремизираше против РБ Лајпциг со 1:1 и избори пласман во следната фаза на ЛШ.

Голот за Реал го постигна Винисиус Жуниор во 65. минута, а израмнувачкиот погодок за гостите го постигна Вили Орбан во 68. минута.

Фудбалерите на Баерн Минхен и Париз Сен Жермен (ПСЖ) во вторникот изборија пласман во четвртфиналето на Лигата на шампиони.

Идната недела се играат преостанатите 4 реванш-средби од Лигата на шампиони. Се среќаваат:

12.3.2024 (вторник)

21:00 Арсенал - Порто (0:1)

21:00 Барселона - Наполи (1:1)

13.3.2024 (среда)

21:00 Борусија Дортмунд - ПСВ (1:1)

21:00 Атлетико Мадрид - Интер (0:1)

Ждрепката за четвртфиналните и полуфиналните средби на Лигата на шампиони ќе се одржи во Нион на 15 март.