НБА: Мајами Хит поведе со 3:1 во финалето на Источната конференција

ИСТАНБУЛ

Во плејофот на финалето на Источната конференција екипата на Мајами Хит со 112:109 го совлада Бостон Селтикс и поведе со 3:1 во меѓусебните дуели, известува Агенција Анадолија (АА).

Синоќа се одигра четвртиот натпревар меѓу екипите на Селтикс и Хит во финалето на Источната конференција.

Мајами Хит, благодарение на извонредната игра на четири свои играчи, успеа со 112:109 да ги совлада Селтикс и да дојде до третата победа.

Тајлер Хиро постигна 37 поени, 6 скока, 3 асистенции, Џими Батлер - 24 поени, 9 скока, 3 асистенции, додека Горан Драгиќ постигна 22 поени, а Бам Адебајо - 20.

Во редовите на Селтикс најпрецизен беше Џејсон Татум со 28 поени. Џејлен Браун постигна 21 поен, додека Кемба Волкер постигна 20 поени, но тоа не беше доволно за да се избегне поразот од Мајами Хит.

Вечерва на програмата е четвртиот натпревар меѓу екипите на Лос Анџелес Лејкерс и Денвер Нагетс од финалето на Западната конференција во кое Лејкерси водат со 2:1 во меѓусебните дуели.