Tурските поморски технологии во центарот на вниманието на ТЕХНОФЕСТ „Сина татковина“

Второто издание на ТЕХНОФЕСТ „Сина татковина“ ќе се одржи во Командата на поморското бродоградилиште Ѓолџук во северозападната турска област Коџаели од четврток до недела од 9 до 18 часот.

Фокусирајќи се на поморските и подводните технологии, четиридневниот фестивал ќе ги претстави растечките капацитети на Турција во одбранбената индустрија и поморските технологии.

Специјалните единици на Турските поморски сили, вклучително и Командата за подводна офанзива (САТ), Командата за подводна одбрана (САС) и единиците на поморската авијација, ќе одржат демонстрациско претставување за време на настанот.

Посетителите ќе може да разгледаат и некои од водечките бродови на турската морнарица, меѓу кои амфибискиот јуришен брод „ТЏГ Анадолу“, фрегатата „ТЏГ Истанбул“, претседателската јахта „ТЏГ Саварона“ и подморниците „ТЏГ Мурат Реис“ и „ТЏГ 18 Март“.

Во програмата се предвидени активности што ги истакнуваат проектите во одбранбената индустрија и напорите на Турција за развој на домашни поморски платформи и системи.

Првиот ТЕХНОФЕСТ „Сина татковина“ се одржа во Командата на поморското бродоградилиште во Истанбул од 28 до 31 август минатата година, привлекувајќи 175.000 посетители.

ТЕХНОФЕСТ, водечки фестивал за технологија, авијација и вселенска индустрија во Турција, организира настани за промоција на иновациите и охрабрување на младите луѓе за кариера во науката, инженерството и напредните технологии.