Ердоган: Турција нема да му даде на Израел ниту едно камче што му припаѓа на Ерусалим

ИСТАНБУЛ (АА) - Потсетувајќи го израелскиот премиер Бенјамин Нетанјаху на неговиот говор поврзан со Силванскиот епиграф, кој го има Турција, турскиот претседател Реџеп Таип Ердоган рече: „Тие го бараат Силванскиот епиграф. Нема да ви дадеме ниту едно камче што му припаѓа на Ерусалим“, јавува Анадолу.

Говорејќи денес на водечкиот фестивал за авијација, вселена и технологија во Турција, ТЕХНОФЕСТ, Ердоган рече: „Тој (Нетанјаху) шири омраза за нас затоа што не му го дадовме Силванскиот епиграф, кој е наследство од предците.“

Силванскиот епитаф е еден од најзначајните антички хебрејски натписи во Археолошкиот музеј во Истанбул.

Организиран под водство на Министерството за индустрија и технологија и Фондацијата Т3, ТЕХНОФЕСТ, најголемиот технолошки фестивал во светот, ги пречекува посетителите на аеродромот „Ататурк“ во Истанбул од 17 до 21 септември.

Неодамна Нетанјаху рече дека го побарал Силванскиот епиграф, кој e пронајден во Источен Ерусалим за време на османлискиот период и донесен во Археолошкиот музеј во Истанбул, Турција, но не можел да го добие поради Ердоган.

„Ова им го кажувам на убијците, чии раце се извалкани со крвта на 65.000 невини жители на Газа. Кудс е чест, достоинство и гордост на целото човештво, вклучително и на муслиманите“, рече тој.

Тој додаде дека борбата на Турција ќе продолжи против какви било лукави планови сè додека не се воспостави независна палестинска држава со Источен Кудс како главен град во границите од 1967 година.