Светска банка ќе обезбеди 750 милиони долари за поддршка на земјоделско-прехранбениот сектор во Турција

Светската банка го одобри Проектот за земјоделско-прехранбениот сектор на Турција, за кој ќе обезбеди финансирање од 750 милиони долари, соопшти турското Министерство за трезор и финансии, јавува Анадолу.

Турското Министерство за земјоделство и шумарство и Агенцијата за земјоделство и рурален развој ќе го спроведуваат проектот со обезбедените средства.

Целта е да се зајакнат конкурентноста и интеграцијата на земјоделско-прехранбените синџири на вредност во Турција и да се зголемат продуктивноста и развојниот капацитет на компаниите и производителите во земјоделско-прехранбениот сектор, истовремено олеснувајќи го нивниот пристап до пазарите.

Со ова финансирање, Светската банка во 2026 година ќе обезбеди повеќе од 9 милијарди долари долгорочно и поволно надворешно финансирање за Турција во сите сектори.

Турскиот министер за трезор и финансии Мехмет Шимшек рече дека соработката со Светската банка за зајакнување на производствениот екосистем на Турција ќе продолжи.

„Нашите напори за обезбедување долгорочно и поволно финансирање во рамки на нашата Среднорочна програма продолжуваат, со цел да се даде приоритет на одржливиот раст и социјалната благосостојба, а нашата поддршка за земјоделството и руралниот развој ќе продолжи и со овој најнов заем“, додаде тој.