Diyar Güldoğan
17 Декември 2022•Ажурирај: 19 Декември 2022
АНКАРА (АА) - Туркије го даде „потребниот одговор“ откако грчки авиони се обидоа да се вмешаат во НАТО-мисијата за обука што се спроведуваше во меѓународниот воздушен простор, соопшти денес Министерството за национална одбрана на Туркије, известува Агенција Анадолија (АА).
„Борбени авиони и авиони за поддршка на нашите воздухопловни сили и авионите АВАКС изведоа мисија за обука НЕКСУС АЦЕ во меѓународниот воздушен простор над Егејското Море“, се наведува во соопштението на турското Министерство.
„Грчките авиони се обидоа да ја блокираат мисијата, но турските воздухопловни сили им дадоа „неопходен одговор“ и НАТО-мисијата е успешно завршена“, се наведува во соопштението.
Туркије, која е членка на НАТО повеќе од 70 години, се жалеше на повторените провокативни акции и реторика на Грција во регионот во последните неколку месеци, вклучувајќи го и вооружувањето на островите во близина на турскиот брег кои се демилитаризирани според договорените обврски. Се наведува дека таквите потези ги фрустрираат нејзините напори во добрата намера за мир.
