Туркије: Кампот во Ислахије, привремено засолниште за околу 3.000 луѓе погодени од земјотресот

ГАЗИАНТЕП (АА) - Околу 3.000 луѓе престојуваат во привременото засолниште подигнато во населбата Ислахије во Газиантеп, кој беше погоден од земјотресите во јужна Туркије, јавува Анадолу.

Контејнерите се поставени на површина од 52.000 квадратни метри.

На просторот за привремено сместување има градинка, основно и средно училиште, детско игралиште, пазар, фризер, библиотека, научно-технолошки центар, перална, соба за молитва и пекарница.

Али Ѓузеј, еден од преживеаните во земјотресот, рече дека во привременото засолниште имаат сè што им е потребно за нормален живот.

Како што истакна, по земјотресот државата застанала покрај нив и секој направил колку што се можело.