Турски МИТ неутрализираше високорангиран терорист на ПКК во северен Ирак

АНКАРА (АА) - Турската разузнавачка служба (МИТ) неутрализираше терорист на ПКК во ирачкиот северен регион Султаније, известува Анадолу.

Неутрализиран е Хусну Кумек, еден од високорангираните луѓе на терористичката организација ПКК во Сулејманије.

Според информациите од безбедносни извори, утврдено е дека во Сулејманије се наоѓа терористот Кумак, со кодно име „Шевгер Азад“ и „Арас“, кој своевремено им бил курир и телохранител на Џемил Бајик и на Дуран Калкан, кои беа меѓу водечките луѓе на терористичката организација ПКК.

Утврдено е дека терористот Кумек, кој бил во т.н. разузнавачка формација на терористичката организација ПКК, организирал обука за круговите што ја поддржуваат организацијата во Сулејманије и Келар, пренесувал разузнавачки податоци до кои успевал да дојде во текот на својата работа до повисокото раководство на организацијата и го организирал народот од регионот против Туркије.

Откако е утврдено неговото засолниште, МИТ го неутрализирал терористот Кумек.

Кумек, кој на терористичката организација ПКК ѝ се приклучил во 1999 година, во периодот од 2002 до 2003 година ги извршувал т.н. медиумски активности на Дуран Калкан, еден од лидерите на организацијата.

Терористот Кумек, познат како еден од членовите од доверба на Џемил Бајик, еден од водачите на ПКК, беше баран од Главното обвинителство на Истанбул поради кривичното дело „членство во вооружена терористичка организација“.

ПКК е сепаратистичка терористичка организација која се наоѓа на листата на терористички групи во Туркије, Европската Унија и САД. Во текот на повеќедецениската терористичка кампања против Туркије, терористите на ПКК убија најмалку 40.000 луѓе.