Amerîka der barê Efrînê de ji bo PKKê li xwe mikur hat

WASHINGTON

Gotebêja Wezareta Derveyî ya Amerîkayê Heather Nauertê, der barê Operasyona Efrînê de daxuyanî da û ji bo unsûrên PYD/PKKê ji dêvla "YPG" rasterast got "PKK".

Gotebêj Nauertê di brîfînga rojane ya çapemeniyê de li ser Operasyona Efrînê û gavên Tirkiyê li herêmê daxuyanî dan.

Nauertê dema ku behsa unsûrên PYD/PKKê yên li rojavayê bakurê Sûriyê kir ji dêvla pênaseya rêveberên Amerîkayê ku her daîm bi kar tînin rasterast got "PKK". Nauertê piştre gotinên xwe serast nekirin û wiha axivî:

"Tirkiye li rojavayê bakurê Sûriyê dev ji DEAŞê berda û ket pey PKKê. Em li wir îstiqrarê dixwazin."

Nauertê diyar kir ku li Efrînê li gor deverên din îstiqrar heye û halê hazir xelkê herêmê dest bi koçê kiriye û loma ew dixwazin ev gengeşî kêm bibe.