Dildar Baykan Atalay
28 Berfanbar 2023•Rojanekirin: 29 Berfanbar 2023
Serokê Amerîkayê Joe Biden di nameya xwe ya ku ji Kongreyê ra şand da, ji bo êrîşên li dijî baregehên Amerîkayê yên li Iraq û Sûriyeyê ku di van rojên dawîn da zêde bûne, ragihand ku "di çarçoveya hiqûqa navneteweyî da" bersiv hatiye dayîn û heke pêwîst bû ew amade ne gavên zêdetir biavêjin.
Joe Biden ji Meclisa Nûneran û serekên Senatoyê nameyek şand.
Biden bal kişand ser wê yekê ku komên bi Îranê ra peywendîdar di van rojên dawîn da êrîşên li dijî baregehên Amerîkayê yên li Iraq û Sûriyeyê zêde kirine û wiha pê da çû:
"Amerîka weke pabend bi hiqûqa navneteweyî, mafê xwe yê rewa yê xweparastinê ku li gorî 51emîn madeya NYê ya Amerîkayê bi kar anî û li dijî wan êrîşan bersiva pêwîst û hevseng da. Heke pêwîst bû û guncaw bû Amerîka ji bo bersivdana tehdîd û êrîşan amade ye gavên zêdetir biavêje."
