Li Beyrûtê di teqînê da 3 kes hatin kuştin, 74 kes birîndar bûn

Hat ragihandin, li herêma başûrê paytextê Libnanê Beyrûtê di êrîşa Îsraîlê da hejmara kuştiyan derket 3yan ku yek jê jin, 2 jê jî zarok in.

Di daxuyaniya nivîskî ya Wezareta Tenduristiya Libnanê da wiha hat gotin, "Di êrîşa Îsraîlê ya dijî herêma başûrê Beyrûtê da hejmara kuştiyan derket 3yan (1 jê jin, 2 jê zarok), ya birîndaran jî derket 74an."

Li herêma başûrê paytextê Libnanê Beyrûtê teqîneke mezin çêbûbû. Êrîş li dijî gelek avahiyên li ser kolana qelebalix a li herêmê hatibû kirin.

Di encama teqînê da ji deverê dûyekî zêde bilind bûbû.

Her wiha li cihê bûyerê panîkeke mezin rû dabû.