19 Îlon 2017•Rojanekirin: 20 Îlon 2017
KERKÛK
Hat ragihandin ku Meclisa Bajêr a Kerkûkê biryara ku meclisa Iraqê Walî Necmeddîn Kerîm ji wezîfeyê ezil kir, red kir.
Li Meclisa Bajêr îro rûniştin hat kirin û endamên ereb û tirkmen beşdar nebûn. Di rûniştinê da biryara ku meclisa Iraqê der heqê Walî Kerîm de da, hat redkirin.
Serokê Meclisa Bajêr Rêbiwar Talabanî piştî rûniştinê daxuyanî da û îdia kir ku biryara meclisê li dijî destûra bingehîn e û "wan biryar qebûl nekir".
Talabanî bi bîr xist ku ne meclisa Iraqê, Meclisa Bajêr a Kerkûkê Kerîm hilbijart û tenê Meclisa Bajêr dikare wî ji wezîfeyê hilde.
Meclisa Iraqê 14ê îlonê roja pêncşemê Walî Kerîm ji wezîfeyê ezil kiribû.
Waliyê Kerkûkê Kerîm, bi biryara Encumena Kerkûkê alaya Herêma Kurdistana Iraqê li saziyên resmî bilind kiribû. Biryara ji aliyê Kerîm hatibû wergirtin, bûbû sedema nerazîbûna Bexdayê.
Digel vê Encumena Kerkûkê biryar da ku beşdarî referandûma serxwebûnê bibe.
