Netanyahu dubare kir ku dagirkeriya Îsraîlê ya li başûrê Sûriyeyê wê mayînde be

Serokwezîrê Îsraîlê Binyamîn Netanyahu dubare kir ku dagirkeriya Îsraîlê ya li başûrê Sûriyeyê wê mayînde be.

Komîteya Çalakiyê ya Siyasî ya Amerîkan-Îsraîlê (AIPAC) li Washingtonê bername li dar xist û Netanyahu bi vîdeo konferansê beşdarî bernameyê bû û wiha got, "Artêşa Îsraîlê wê li Sûriyeyê ser tepa Çiyayê Hermonê (Cebel Eş-Şêx) bimîne."

Netanyahu diyar kir, ew ê li "herêma tampon" a li rexê herêmê bimînin û îdia kir ku wê li başûrê Şamê destûrê nedin hebûna artêşa Sûriyeyê.

Netanyahu îdia kir ku herêm wê ji eskeran were safîkirin.

Netanyahu hevdîtina xwe û Serokê Amerîkayê Donald Trump bi bîr xist û diyar kir, hevdîtina ku wî kir, hevdîtina herî girîng ku bi Serokekî Amerîkayê ra kiriye û wiha dewam kir, "Tifaqa Amerîka û Îsraîlê heta niha ev qas xurt nebûbû."

Netanyahu spasiya Serokê Amerîkayê Trump kir ku çekên nû firotin Îsraîlê.