NY ditirse Kovîd-19 li welatên ku pergala wan a tenduristiyê nebaş e jî belav bibe

Sekreterê Giştî yê Neteweyên Yekbûyî (NY) Antonîo Guterres daxuyand ew ditirse ku şewba vîrusa koronayê ya nû (Kovîd-19) a li Vuhana bajarê Çînê derket holê û belavî gelek welatan bû li welatên ku pergala wan a tenduristiyê nebaş e jî belav bibe.

Guterres perestgeha Kartarpur Darbar Sahib Sihê ya li ser sînorê Pakistan-Hindistanê ye ziyaret kir û li vir daxuyaniyek da.

Guterres got şewba vîrusa koronayê ya nû (Kovîd-19) ji bo niha di binê kontrolê da ye, lê ew ditirse ev nexweşî li welatên ku pergala wan a tenduristiyê nebaş e jî belav bibe.

Sekreter Guterres wiha axivî: "Rîsk pir mezin e, divê hemû dinya û em ji bo vê amade bin. Rêxistina Tenduristiyê ya Dinyayê li ser dixebite ku heke tiştekî wiha bibe divê çawa rê li ber bê girtin."

Der barê rewşa li Îdlibê û qeyrana mirovî da jî Guterres ji bo agirbestê bike bangî rejima Esed kir û got Tirkiye, Îran û Rûsya divê çareseriya siyasî bikin.

Ji bo şerê navxweyî yê li Libyayê jî Guterres û wiha axivî: "Li Libyayê çend welat ambargoya çekan a NYyê îxlal dikin û him personelan û him jî melzemeyan dişînin herêmê?"

- "Li Efxanistanê aştî ji bo herkesî baş e"

Guterres got ji ber têkiliyan xebatên Konseya Ewlehiya Neteweyên Yekbûyî tê astengkirin û ji ber vê jî Çîn, Amerîka û Rûsyayê sûcdar kir.

Sekreter Guterres anî ziman ji ber gengeşiyê li dinyayê rewşeke nebaş heye û em di heyameke birîsk da dijîn.

Der barê muzakereyên di navbera Amerîka û Talibana Efxanistanê da jî Guterres wiha axivî: "Divê ev şansê aştiyê ji destê me neçe. Bi milyonan Efxan bi salan e wek penaber dijîn. Li Efxanistanê aştî ji bo herkesî baş e."