"Rûsyayê êrîşî mixalifên ku DYA piştgiriyê dide wan, kir"

WASHINGTON

Wezareta Bergiriyê ya DYAyê (Pentagon) ragihand ku balafirên şer ên Rûsyayê li Sûriyeyê êrîşî mixalifên ku DYA piştgiriyê dide wan, kirin.

Rayedarekî payebilind ê Pentagonê ku nexwest navê wî were eşkerekirin, destnîşan kir ku do balafirên şer ên Rûsyayê li nêzî al-Tanfa li başûrê Sûriyeyê êrîşî mixalifên ku DYA piştgiriyê dide wan û li dijî DAEŞê şer dikin, kirin.

Rayedarî diyar kir ku balafirên Rûsyayê ev demeke dirêj e nayên başûrê Sûriyeyê û got ku li herêma êrîş çêbû ti leşkerên Rûsya û Sûriyeyê tunene û wiha dewam kir: "Êrîşên dawîn ên Rûsiyayê der barê niyeta Rûsyayê da dibe sedema metirsiyê. Em dixwazin Rûsya der barê êrîşên xwe da daxuyanî bide û cardin êrîşên wiha dubare nekin."