Serokwezîr Yildirim li Almanyayê gelek hevdîtin pêk anî

MUNÎH

Serokwezîr Bînalî Yildirim li Almanyayê heşt hevdîtinên dualî pêk anî. Yildirim li Berlînê bi Serokwezîra Almanyayê Angela Merkel re hat bal hevdu.

Yildirim roja pêncşemê hate Berlînê û li Almanyayê di nav sê rojên dawîn de gelek hevdîtin kir.

Serokwezîr Yildirim û Serokwezîra Almanyayê Angela Merkel hatin bal hev û hevdîtina wan saetekê ajot. Di hevdîtinê de behsa têkiliyên herdu welatan, mijara Sûriyeyê, geşedanên li herêmê û têkoşîna dijî terorê hat kirin.

Piştî hevdîtinên li Berlînê Yildirim çû Munîhê ku beşdarî 54emîn Konferansa Ewlekariyê ya Munîhê ya Navneteweyî bibe.

Di roja ewil a konferansê de Yildirim bi Serokwezîrê Bulgaristanê Boyko Borîsov û Mîrê Qetarê Şêx Temîm bîn Hamed Al Sanî re hat bal hevdu. Yildirim nimêja înê li Mizgefta Navend a Navenda Îslamê ya Tirkan ya Kar û Barên Diyanetê kir û li wir silav da welatiyan.

Serokwezîr Yildirim li wir bangî welatiyan kir û got hin pirsgirêkên di navbera Almanya û Tirkiyeyê de wek ku hatine çareserkirin xuya dikin.

Yildirim di roja duyemîn a konferansê de bangî kesên beşdarî konferansê bûne kir û li ser mijara têkoşîna dijî terorê sekinî.

Yildirim Serokê Dewleta Ukraynayê Petro Poroşenko û Serokwezîra Îngiltereyê Theresa May re sohbet kir.

Ji bilî vê Serokwezîr Yildirim bi Serokê Komîsyona Yekîtiya Ewropayê Jean-Claude Juncker, Serokwezîrê Fransayê Edouard Phîlîppe, Serokwezîrê Gurcistanê Gîorgî Kvîrîkaşhvîlî, Serokwezîrê Iraqê Heyder el-Ebadî, Serokwezîrê Polonyoyaê Mateusz Morawîeckî re cuda cuda hevdîtin pêk anî.

Yildirim Serokê Giştî ya Partiya Demokrasiya Nû ya Yewnanistanê Kîryakos Mîçotakîs jî qebûl kir.

Di hemû hevdîtinan de têkiliyên dualî û geşedanên navneteweyî hatin axaftin.

Wezîrê Karên Derva Mevlut Çavuşoglu, Wezîrê Karên Navxweyî Suleyman Soylu, Wezîrê Parastinê Nurettîn Canîklî û Musteşarê Pîşesaziya Parastinê Îsmaîl Demir jî bi Yildirim re li Almanyayê beşdarî hevdîtinan bûn.