Li Şanliurfayê ji ber bahozê kesek mir û 29 kes jî birîndar bûn

Walîtiya Şanliurfayê ragihand ku li navçeya Bîrecîkê ji ber şert û mercên hewayê yên nebaş kesek mir û 29 kes jî birîndar bûn, li navçeya Wêranşehirê jî 11 kes birîndar bûn.

Di daxuyaniya nivîskî ya Walîtiyê da hat diyarkirin ku îro li navçeya Bîrecikê ji ber barana gur û bahoza ku ji nişka va çêbû gelek dar welgeriyan, banên avahiyan xisar dîtin û li hin herêman jî lehî çêbû.

Di daxuyaniyê da wiha hat gotin: "Di bûyerên ku qewimîn da welatiyekî me mir û 29 welatiyên me jî bi awayên cûda birîndar bûn. 7 birîndarên me ji bo nexweşxaneyên li navenda bajêr hatin veguhastin. Dermankirina 22 birîndarên me jî li Nexweşxaneya Dewletê ya Bîrecikê dewam dike. Her wiha, li navçeya Wêranşehirê jî barana gur û bahoza ku ji nişka va çêbû bi heman awayî bû sedema rewên neyînî û 11 welatiyên me bi awayekî sivik birîndar bûn."

Hat daxuyandin ku li navçeyên Bîrecîk û Wêranşehirê dibistan ji bo rojekê hatin tetîlkirin.

Ji hêla din, ji ber bahozê minareya mizgeftekê hilweşiya. Dîmenên keliya ku minare hildiweşe hat qeydkirin.