Berf û bagerê rêya 453 niştewarên Wan, Hekarî, Bidlîs û Mûşê girt

Li Wan, Hekarî, Bidlîs û Mûşê berf û bagerê rêyên 453 cî û waran hatin girtin.

Li gor daxuyaniya ku ji Şaredariya Bajarê Mezin a Wanê hat dayîn, berf û bagerê rêya 86 tax û 55 mezreyan girt.

Ekîb ji bo vekirina 141 rêyên girtî dixebitin.

Li navenda bajêr jî serê sibehê berf ket.

Ji ber berf û mijê li deverên bilind mesafeya dîtinê kêm bû, ekîbên rêbejan li rêyên sereke tevdîr hildan.

- Bidlîs

Midûrê Xizmetên Rê û Gîhandinê ya Îdareya Taybet a Bajêr Umît Kurtkan diyar kir, berfê li tevahiya bajêr rêyên 165 cî û waran girt.

Kurtkan daxuyand, ji bo vekirina rêyan ekîb li qadê dixebitin.

Ekîbên Şaredarî û Rêbejan jî li deverên ku lê berpirsiyar in, berf avêt û xoyê reşandin.

- Hekarî

Li gor agahiya ku ji Îdareya Taybet a Bajêr hat hildan, berfê li tevahiya bajêr rêyên 144 cî û waran girt û ji van rêyan 143 hatin vekirin.

Ji bo vekirina rêya gundê Alanê yê li ser navçeya Şemdînliyê, xebat dewam dikin.

- Mûş

Li Mûşê duh êvarê li deverên bilind berf ket.

Sekreterê Giştî yê Îdareya Taybet a Bajêr Şeyhmus Yentur diyar kir, berfê rêyên 146 gundan girt.

Yentur diyar, ji bo ku rê di demeke kin da werin vekirin û welatî mexdûr nebin, ekîb li qadê dixebitin.