Li Erzirom, Erdexan, Îdir û Agiriyê piştî ketina berfê sir û serma çêbû

Li Erzirom, Erdexan, Îdir û Agiriyê bişev berf ket û piştî ketina berfê sir û serma çêbû.

Li Erziromê bişev berf ket û der û dor spî kir. Piraniya vê berfa ketî ber bi sibehê va veheliya.

Germa hewayê bişev 5 pile di binê sifirê da hat pîvan û hewa sar e.

Bi baniyan va şembelîlk daliqiyan, kanî û şadirwanên bajêr qerimîn, di rêyan da jî cemed çêbû.

- Erdexan, Agirî, Îdir

Li Erdexan, Agirî û Îdirê jî bişev berf ket û serê sibehê serma çêbû.

Rê û peyarêyên van bajaran jî cemed girtin, welatî ji bo ku ji sermayê biparêzin, betanî û brande avêtin ser wesayîtên xwe.

Ji ber cemeda ku di rêyên Îdir-Nehciwan, Îdir-Qers û Îdir-Agiriyê da çêbû, wesayît bi kontrolî diçin û tên.

Li Erzirom, Îdir û Erdexanê berf û bagerê rêya 153 cî û waran girt

Li Erzirom, Îdir û Erdexanê piştî ketina berfê û rabûna bagerê rêya 153 niştewaran hat girtin.

Li Erziromê berf û bagerê rêyên 83 taxên gundewar girtin.

Ekîbên Şaredariya Bajarê Mezin ji bo vekirina rêyan dixebitin.

Li Erdexanê rêya 68 gundan, li Îdirê jî rêya 2 gundan ji ber berf û bagerê girtî ne.

Ekîbên Îdareya Taybet a Bajêr di rêyên gundan da xebat dan destpêkirin.