Li Mûşê gûlika ku li serê çil û çiyan tê berhevkirin bû deriyê debarê

Li Mûşê bi hatina biharê û germbûna hewayê ra li ser çil û çiyan gûlik hêşîn dibe û ev gûlik li bajêr dibe deriyê debarê.

Şêniyên bajêr berê xwe didin herêma Şenyayla û Çiyayê Kozmayê ku 35 kîlomêtre dûrî navendê ye û bi kêran gûlikê ji kokê va jê dikin û torbeyê xwe tije dikin û vedigerin malên xwe.

Li malê jî pincar ji xalî û xesarê tên paqijkirin û paşê dibin sûkê û li ser dezgehan difiroşin. Qismekî gûlikê ji li malê seba xwarinê tê hildan.

Nevzat Subaşiyê ku gûlikê diçine diyar kir ku ev pincar di meha adar û nîsanê da tê çinîn û weke ispanaka herêmî tê pênasekirin.

Subaşi daxuyand ku ev pincar bixwe hêşîn dibe û şifa tê da heye û wiha dewam kir, "Pincarên ku li mêrg û mexelên me hêşîn dibin, ji aliyê gel va tên çinîn û berhevkirin û jê xurek tên çêkirin. Em wek şêniyên herêmê van pincaran dixwin û me tu zirara wan nedîtiye. Em pincarê difiroşin û dahat jî jê çêdibe."

Mahmut Aksu jî diyar kir, li deverên bilind bi helîna berfê ra gûlik hêşîn dibe û ew ji bo çinîn û berhevkirina vê pincarê şeveqa sibê tên herêmê û emrê vê pincarê mehek e.

Li Mûşê bi hatina biharê û germbûna hewayê ra li ser çil û çiyan gûlik hêşîn dibe û ev gûlik li bajêr dibe deriyê debarê.

Li malê jî pincar ji xalî û xesarê tên paqijkirin û paşê dibin sûkê û li ser dezgehan difiroşin. Qismekî gûlikê ji li malê seba xwarinê tê hildan.

Nevzat Subaşiyê ku gûlikê diçine diyar kir ku ev pincar di meha adar û nîsanê da tê çinîn û weke ispanaka herêmî tê pênasekirin.

Mahmut Aksu jî diyar kir, li deverên bilind bi helîna berfê ra gûlik hêşîn dibe û ew ji bo çinîn û berhevkirina vê pincarê şeveqa sibê tên herêmê û emrê vê pincarê mehek e.