Li Wan, Hekarî, Bidlîs û Mûşê rêyên 1012 cî û waran girtî ne

Li Wan, Hekarî, Bidlîs û Mûşê ji ber berf û bagerê rêya 1012 cî û waran hat girtin.

Li gor daxuyaniya ku ji Şaredariya Bajarê Mezin a Wanê hat dayîn, ji ber berf û bagerê li tevahiya bajêr rêyên 296 cî û waran hatin girtin.

Ekîbên berfê ji bo vekirina rêyan dixebitin.

Li navçeya Erdîşê jî piştî sir û seqemê cardin berf ket û heta sibê navenda navçeyê spîçîl bû.

Qeraxê golê bi dronê hat kişandin.

- Hekarî

Li bajêr du rojan bi navber berf ket û di çûyîn û hatinê da tengasî derket.

Li gor agahiya ku ji Îdareya Taybet a Bajêr hat hildan, li tevahiya Hekariyê berf û bagerê rêya 75 gundan û 148 mezreyan girt.

Ekîbên berfê ji bo vekirina rêyan dixebitin.

- Bidlîs

Berf û bagerê rêyên 229 cî û waran girt.

Midûrê Xizmetên Rê û Gîhandinê ya Îdareya Taybet a Bajêr Umît Kurtkan diyar kir ku ji ber berfê li navenda bajêr û li navçeyan rêya 229 gundan hat girtin.

Kurtkan got ku ji bo vekirina rêyan ekîb şev û roj dixebitin.

Welatiyan jî berfa ser wesayîtên xwe û berfa pêşiya kargehên xwe avêt.

- Mûş

Li Mûşê piştî ketina berfê navenda bajêr spî bû.

Bi ketina berfê ra di çûyîn û hatinê da tengasî derket. Wesayîtên welatiyan di binê berfê da man û welatiyan berfa ser wesayîtên xwe û berfa pêşiya kargeha xwe paqij kir.

Sekreterê Giştî yê Îdareya Taybet a Bajêr Şeyhmus Yentur ragihand ku li tevahiya bajêr berfê rêya 264 gundan hat girtin.