Mêşvanên li Çiyayê Herekolê ji hingivê îsal bi hêvî ne

Li Sêrtê mêşvanên xwedî belge piştî operasyonê serkeftî yên hemberî PKKya rêxistina terorê, kewarên xwe dibin zozanên tijî flora ku niha lê hizûr heye, danîne.

Saziya Marqe û Patentê ya Tirk 16 sal berê ji bo hingivê Perwariyê belgeya nîşana erdnîgariyê dabû û mêşvanên xwedî wê belgeyê 5 meh berê derketin Zozana Çemikarî ya li pala Çiyayê Herekolê ye û niha li wir dimînin.

Mêşvanên ev bi mehan e ji mala xwe dûr in bi nêzîkbûna derxistina hingiv şa ne û hêviya wan a ji hingivê ku bi tehm, aroma û qelîteya xwe xwedî taybetî ye, gelekî zêde ye.

Zozan û çiyayên ku ji PKKya rêxistina terorê hatine paqijkirin ji bo şivan, gavan û mêşvanan bûn deriyê debarê û mêşvanên niha li wir kewarên xwe danîne mîna roniya çavên xwe li mêşên xwe xwedî derdikevin.

Ji mêşvanan Cemal Tomrîs daxuyanî da nûçegihanê AAyê û got ku ew bi hizûr niha li ser karê xwe ne û hêviya wan a ji hingivê îsal zêde ye.

Tomris destnîşan kir ku li zozan bi qasî 350 kewarên wî hene û wiha pê da çû: "Ev kar ji bav û kalên me ji me ra maye û nifşa 4an e ku em vî karî dikin. Li Zozanê Çemikarê ya ber pala Çiyayê Herekolê em mêşan xwedî dikin. Ji kewarên li zozanên van deran bi qasî 2 hezar ton hingiv dertê."

Hingivê Perwariyê ku ji heyama Osmaniyan va bi nav û deng e bo nexweşan wek derman tê binavkirin.

Ji mêşvanan Munevver Uslu jî got ku ew 5 meh in ji malbata xwe dûr e û wek hevalên xwe di holikên ava kirine da dimînin.

Uslu destnîşan kir ku di demeke nêz de ew ê dest bi derxistina hingiv bikin û wiha pê da çû: "Meha pêş me piştî ku me hingivê xwe ji kewaran derxist em ê berê xwe bidin malên xwe. Ji niha va hêdî hêdî em amadehiyên xwe dikin. Em ê hingiv derxin, par zêde tunebû lê îsal hingiv zêde ye. Bi îzna Xwedê piştî evqas ked û xebatê wê îsal dilê me xweş bibe."

Mêşvan Muaz Aygun jî ragihand ku wî par ji 310 kewarî bi qasî 2 ton hingiv derxist lê îsal hêvî dike ku bi qasî 3 ton û 500 hezar kîloyî derxe.