Serokomar Recep Tayyîp Erdogan ji bo beşdarbûna 25emîn Civîna Konseya Serokên Dewletan a Rêxistina Hevkariya Şanghayê hat Tîencîna bajarê Çînê.
Serokomar Erdogan li Balafirgeha Navneteweyî ya Tîencînê ji aliyê Wezîrê Dewletê yê Çînê Ley Haycao, Balyozê Tirkiyeyê yê Pekînê Selçuk Unal û karmendên balyozxaneyê va hat pêşwazîkirin.
Jina Erdogan Emîne Erdogan, Wezîrê Karên Derva Hakan Fîdan, Wezîrê Vejen û Çavkaniyên Siruştî Alparslan Bayraktar, Wezîrê Xezîne û Darayiyê Mehmet Şîmşek, Wezîrê Parastina Neteweyî Yaşar Guler, Wezîrê Pîşesazî û Teknolojiyê Mehmet Fatîh Kacir, Wezîrê Bazirganiyê Omer Bolat, Alîkarê Serokê Giştî yê AK Partiyê Halît Yerebakan, Alîkarê Serokê Giştî yê MHPê Îsmaîl Faruk Aksu, Serokê MÎTê Îbrahîm Kalin, Serokê Ragihandinê yê Serokomariyê Burhanettîn Duran, Serokê Pîşesaziya Parastinê Haluk Gorgun û Midûrê Qelema Taybet ê Serokomariyê Hasan Dogan jî bi Erdogan ra hatin Tîencînê.
Serokê Dewleta Çînê Şî Cînpîng wê di çarçoveya 25emîn Civîna Konseya Serokên Dewletan a Rêxistina Hevkariya Şanghayê da ji bo serokên dewletan şîvê bide ku Serokomar Erdogan jî wê beşdarî şîvê bibe.
Erdogan hemtayê xwe Şî Cînpîng di serî da wê bi serokên din ra hevdîtinên dualî bike.
