WPN: "Di dema êrîşa Îsraîlê da li baregehê eskerên Tirk tunebûn"

Wezareta Parastina Neteweyî (WPN) wiha daxuyand: "Gava ku Îsraîlê êrîşî Ebu Zuxura baregeha hewayî ya li Sûriyeyê kir, beriya êrîşê yan jî di dema êrîşê da heyeteke eskerî ya Tirk ne li baregehê bû."

Civîna çapemeniyê ya heftane ya agahdarkirinê ya Wezaretê di keştiya TCG Koçhîsarê da hat lidarxistin.

Piştî civîna li keştiyê ya di çarçoveya TEKNOFEST Welatê Şîn da li Kocaeliyê ye, pirsên endamên çapemeniyê hatin bersivandin.

Li ser pirsên der barê êrîşên Îsraîlê yên li ser baregeha hewayî ya eskerî ya Ebu Zuxur a li Sûriyeyê, Wezaretê ev daxuyanî da:

"Êrîşa Îsraîlê ya li ser Baregeha Hewayî ya Ebu Zuxur çalakiyeke armanca wê ew e ku zirarê bide aramî, ewlehî, yekîtî û hevrabûna Sûriyeyê û her wiha binesaziya wê. Em di her firsendê da destnîşan dikin ku êrîşên serwerî û yekparetiya axa Sûriyeyê binpê dikin nayên qebûlkirin. Em diyar dikin gava ku Îsraîlê êrîşî Ebu Zuxura baregeha hewayî ya li Sûriyeyê kir, beriya êrîşê yan jî di dema êrîşê da heyeteke eskerî ya Tirk ne li baregehê bû. Ji bo aramiya Sûriyeyê û herêmê girîng e ku Îsraîl êrîşên bi vî rengî yên bêperwa rawestîne û şertên qanûna navneteweyî bicîh bîne. Em ê piştgiriya xwe ya hewldanên Sûriyeyê ku di çarçoveya prensîba 'artêşa yekane' da ji bo avakirina binesazî û kapasîteya xwe ya eskerî da dike, bidomînin."