"Bi birîna pere û mafên karkeran ve qezenc nabe"

İSTANBUL

Serokomar Recep Tayyîp Erdogan, beşdarî Konferansa 8emîn Tendûristî û Ewlehiya Kar ya Navneteweyî ya li Navenda Kongreyê ya Halîçê hat kirin bû.

Serokomar Erdogan di axaftina xwe ya li vir da got: "Perê karkeran tê birîn û mafên wan ên sosyal tê kêmkirin. Tevdîra ku qezayên karkeriyê çênebin û nexweşî negihîje karkeran nayê hildan. Qezenca wisa nabe. Ew qezenc li gor baweriya me heram e."

Serokomar Erdogan wiha dewam kir: "Wekî ku Rêxistina Xebatê ya Navneteweyî (ÎLO) jî destnîşan dike, piraniya van mirinan, wate ji sedî 98ê wê heke tevdîra pêwîst were standin û verastkirinên heyî bi temamî bên cîbicîkirin, dikare pêşî lê were girtin. Ev reqam bi serê xwe li holê ne û didin nîşan ku pirsgirêkeke pir cidî heye û li ser mijarê divê em dûrûdirêj bifikirin. Qenaeta min ne ew e ku mesele ji ber derfet, pere, teknolojî û verastkirinê ye. Sedemê sereke yê vê dîmena rûreş, dîtina bi nakokî ya hemberî însanan e."

-"Çi eleqeya bikaranîna kedkaran wek mertal bi mafên karkeran ve heye?"

Erdogan got ku bikaranîna kedkaran wek mertal û bi vî awayî êrîşkirina polêsan, malên kamuyê û kargehan, çi eleqeya wê bi mafên karkeran ve heye? û wiha domand:

"Meşa bi alayên rêxistina terorê va çi eleqeya wê bi cejna karkeran va heye? Ev tevger beriya her tiştî li hember birayên min ên kedkar heqaretek e. Ev tevger û gotin herî zêde karkerên me yên bi rastî jî xwediyê vê cejnê ne aciz dike."

-Ji bo "1 gulan" li gor ruh û maneya xwe tê pîrozkirin, kêfxweş im

Serokomar destnîşan kir ku di salên dawî da piraniya sendîkayên me, roja karkeran li gor ruh û maneya 1ê gulanê, wekî cejna karkeran pîroz dikin û wiha xeberda: "Ez ji bona vê kêfxweş im. Ev dîmen normalîzebûn, kamilbûn û demokratîkbûna welatê me nîşan dide, bi taybetî dixwazim vê bînim ziman."