Li Mûşê ji ber sermayê derî, pace û balkon hatin laylon û brandakirin

MUŞ

Ji ber ku li Mûşê germa hewayê dikeve bin sifirê 15 pileyan, hin welatiyan derî, balkon û paceyên mala xwe bi laylon û brandeyê va pêça.

Li Şenovaya gundê li ser navendê ji ber ku sir û sermaya zivistanê zêde ye, welatî tînin derî û paçeyên malên xwe laylon û brande dikin.

Ji şêniyên gund Selçuk Yilmaz diyar kir ku zivistana Mûşê pir sar derbas dibe û wiha dewam kir: "Dema ku serma pir çêdibe, em derî û paceyan bi laylon û brandeyê dipêçin. Em laylon li traktorên xwe jî wer dikin û ji sermayê diparêzin. Ji bo ku lastîkên tekerên traktorê ji ber sermayê neqelişin, em bi laylonê dipêçin."

Bayram Ozturk jî got ku ew ji ber sermaya zivistanê balkon, derî û paceyên malên xwe laylon dikin.