ANKARA
Serokomar Recep Tayyîp Erdogan ji bo balyozên ku beşdarî "7emîn Konferansa Balyozan" a ku li Enqereyê hat li darxistin nanê nîvro da.
Erdogan di xwarinê de axivî û got ku ji serî pê ve wî biryar dabû ku ew ê bibe endamê serokomar û wiha axivî: "Me got ku em ê bi meseleyên welêt û gel re ji nêz ve eleqeder bibin. Polîtikaya derve girîng e û piştî ku em wezîfedar bûn me li derve gelek ziyaret kirin."
- Bûyerên 1915an
Erdogan bibîr xist ku sala 2015an salvegera sedemîn a bûyerên 1915an e û ev mijar wê ji hêla hin aliyan ve bê rojevê. Serokomar Erdogan got ku salvegera bûyeran ne bi tenê ji bo salvegerê, divê ji bo meseleyên din jî bên niqaşkirin û bên fêmkirin derfeteke baş e.
Erdogan wiha axivî: "Em ê bi paceyên welatê xwe yên ku ji dinyayê re vekiriye ve, em ê bi hêza baweriya xwe ya ku li ser rûyê erdê belav bûye ve, bi hemû tiştên xwe ve bixebitin ku bila dîrok baş bê xwendin."
- "Hewldanên derbeyên 17 û 25an ên çileya pêşîn li ser buxtana bêrêtiyê hatin avakirin"
Serokomar Erdogan got ku hewlana derbeyên 17 û 25an ên çileya pêşîn li ser buxtana bêrêtiyê hatin avakirin û ev bû sedema 120 milyar dolar zirara Tirkiyeyê.
Erdogan wiha axivî: "Heke di hewldanên xwe de bi ser biketana û serokwezir wek "Serokwezîrê wê demê" hilbijartana, bawer bikin ev zirar wê qat be qat zêde bibûya. Wê Tirkiyeya berê ya ku bîra wê dikirin ava bikirana, barê faîza berê, barê enflasyonê, barê aboriya nebaş, barê îxracata kêm dibe wê bidana li ser milê Tirkiyeyê û li ser milê gel. Tirkiye wê wek berê bibûya welatê lobiya faîzê, lobiya xwînê, lobiya şer û ew ê bêtir dewlemend bibûna."
- Biryara der barê 4 wezîrên berê yên ku xwestin ku wan bişînin Dîwana Bilind
Erdogan got ku yên ku di hewlanên xwe yên derbeyên 17 û 25an ên çileya pêşîn de têk çûn îja ji bo operasyonên din xebitîn. Serokomar Erdogan got ku tevgera li ser 4 wezîrên berê hat kirin, tevgereke şaş e û ev gav ji bo ku derbeyên 17 û 25an ên çileya pêşîn car din pêk bên hatiye avêtin.
