Ji Walitiya Agiriyê der barê Leyla de daxuyanî

AGIRÎ

Waliyê Agiriyê Suleyman Elban der heqê bûyera Leyla Aydemirê da wiha got: "Li gor encamên lêkolîn û otopsiyê 8-10 roj piştî wendabûnê miriye. Li gor encamên otopsiyê piştî ku dimire heta roja ku hat dîtin li dereke din e û 2-3 roj beriya roja hat dîtin danîne nav ava çêm."

Waliyê Agiriyê Suleyman Elban ji bona mirina Leyla Aydemirê wiha got: "Der heqê bûyerê da binçavkirin û hin delîl hene. Xebat bi baldarî û hûrgilî dewam dikin."

Waliyê Agiriyê Suleyman Elban li ser pirsa ji bo mirina Leyla Aydemira 4 salî wiha got: "Ji ber ku 8-10 rojan birçî hîştine miriye."

Waliyê Agiriyê Suleyman Elban der heqê mirina Leyla Aydemirê da li ser pirsa "Şika ku hatiye revandin heye gelo?" got "Hatiye revandin".

Li Agiriyê Leyla Aydemira 4 salî ya ku digel malbata xwe bi mebesta cejnê çûbû gundê bapîrê xwe û wenda bûbû, li gund bi mirîtî hat dîtin.

Nîhat Aydemîr û xanima xwe Şukran Aydemîr ji navenda Agiriyê di roja duyemîn a cejnê de serdana gundê Bezirhaneyê kirin û keça wan Leylaya 4 salî wenda bûbû.

Piştî xebatên çirr roja 18an termê Leylayê nêzîka 2 kîlometroyan nêzîkî gundê Bezirhaneyê li pişt rêya ku diçe navenda wîlayetê li keviya çem di nava daran de hat dîtin.

Piştî xebatên lêkolînên cihê bûyerê term rakirin morga Nexweşxaneya Dewletê ya Agiriyê.

Kuçikên qedavre û cesedan ku ji Navenda Perwerdeya Kûçik û Hespan a Nevşehîr Cendirmeyê (JAKEM) anîbûn, ekîba girêdayî Fermandariya Asayişa Taybet a Cendirmeyê (JAK) ku ji 10 kesan pêk dihat, ekîbeke taybeta girêdayî Fermandariya Cendirmeyê ya Wîlayetê û Rêveberiya Ewlekariya Wîlayetê ku ji 11 kesan pêk dihat, ekîbên AFADê yên Wan û Agiriyê, UMKE, ekîbên Hevya Sor a Tirkî û yên Servîsa Tendirustiya Acil a 112an herwiha 5 nêçîrvanên xwebexş ku ji Batmanê hatibûn beşdarî xebatên lêgerînê bûbûn.

-Der barê mirina Leylayê da 3 dozger hatin wezîfedarkirin

Serdozgeriya Komarê ya Agiriyê der barê mirina Leyla Aydemira 4 salî ya ku bi malbata xwe ra ji bo eydê çûbû gundê kalikê xwe û winda bûbû û duh li gund mirî hatibû dîtin, 3 dozgerên komarê wezîfedar kir.

Di daxuyaniya nivîskî ya Serdozgeriya Komarê ya Agiriyê da hat gotin qîza Nîhat û Şukran Aydemirê Leyla roja pêşîn a eydê li gundê Bizirxaneyê winda bû û di heman rojê da lêpirsîn hat destpêkirin.

Di daxuyaniyê da hat gotin îfadeya hin kesan hatiye hildan, li hemû navnîşanan, gund û der û dora gund lêgerîn hatiye kirin, tîmên JAK û AFADê jî ji bo dîtina wê hatine wezîfedarkirin.

Hat destnîşankirin di 2yê Tîrmeha 2018an de li ser îxbareke welatiyekî Leyla Aydemir 2-2,5 kîlomêtro nêzîkî gundê Bizirxaneyê di devê çem da mirî hatiye dîtin û hat gotin ji bo ku sedema mirina wê bê tespîtkirin cesedê wê rakirine Serokatiya Koma Lijneya Tixpa Edlî ya Erziromê.

Daxuyaniyê wiha dewam kir: "Der barê mirina Leyla Aydemirê da 3 dozgerên komarê hatine wezîfedarkirin û lêpirsîn bi baldarî dewam dike. Der barê lêpirsînê da heke hewcedarî çêbibe agahî wê bê dayîn."