Li peravên Ayvalikê bota ku penaber tê da bûn, binav bû

Li peravên Ayvalika navçeya Balikesîrê bota ku penaber tê da bûn, binav bû. Ji kesên ku di botê da bûn 35 kes hatin xelaskirin, ji bo 4 kesên ku dibêjin winda ne xebata lêgerînê tê kirin.

Ji Fermandariya Ewlehiya Qeraxan ra bişev êxbar hat ku li aliyê rojavayê Girava Çiplakê boteke lastîk a ku penaber tê da ne, hat dîtin.

Ekîbên Fermandariya Ewlehiya Qeraxan bi botê va çûn cihê bûyerê û dîtin ku nîvê botê binav bûye û penaber jî li ser behrê ne.

Li ser vê ji bo lêgerîn û xelaskirinê tevî 3 bot, firoke û balafirê tîmê noqav ê asayîş û ewlehiyê şandin herêmê. Ji penaberan 35 kes hatin xelaskirin.

Di îfadeya ewil a van kesan da hat gotin ku asayîşa qeraxan a Yewnanistanê bîdonê benzînê yê bota lastîk jê kirin û defî aliyê Tirkiyeyê kirin.

Di çarçoveya gotinên penaberan da 4 kes winda û ji bo wan xebata lêgerîn û xelaskirinê didome.