Li Stenbolê otobêsa rêwiyan wergeriya: 9 birîndar

Li Pendika navçeya Stenbolê otobêsa rêwiyan wergeriya û yek jê giran 9 kes birîndar bûn.

Li gor daxuyaniya ku ji Walîtiya Stenbolê hat dayîn, otobêsa rêwiyan a ku di navbera Çorum û Stenbolê da rêwiyan dibe û tîne, li texma Esenyaliya Pendikê di rêya D-100î da ber bi Stenbolê diçû, li bariyeran xist û wergeriya.

Li gor daxuyaniyê ekîbên polês, tenduristî, îtfaiye û AFADê demildest sewqî herêmê kirin û li gor agahiyên ewilîn ên ku ji ekîbên ambulansê hat hildan, di qezayê da 1 jê giran 9 rêwî birîndar bûn. Birîndar rakirin nexweşxaneyên derdorê.

Hat gotin ku derbarê mijarê da lêpirsîn dan destpêkirin.

Piştî ku otobês ji cihê qezayê hat rakirin, çûyîn û hatin normal bû.