Li tevahiya welêt germa hewayê wê dakeve asta germa demsalê

Germa ku li tevahiya welêt zêde bûye, wê dakeve asta germa demsalê.

Pisporê Texmîna Hewayê ya Midûriya Giştî ya Meteorolojiyê ya Wezareta Hawirdor, Bajarvanî û Guherîna Av û Hewayê Abdullah Macît der barê rewşa hewayê ya heftane da agahî da nûçegihanê AAyê.

Macît diyar kir ku li qeraxên Behra Reş a Navîn, Rojhilata Behra Reş û bakurê Rojhilata Anadoluyê baran tê payîn.

Macît daxuyand ku sibê li başûrê Maramarayê, bakurê Edene û Kahramanmaraşê, li Hekarî û Şirnexê bagera gur wê rabe û divê welatiyên van herêman baldar bin.

Macît bal kişand, germa ku li gorî demsalê zêde ye, wê kêm bibe û wê li bakur, naverast û rojhilata welêt dakeve asta demsalê, wê cî bi cî jî bikeve binê germa demsalê.

Macît got ku germa hewayê wê li Enqere û Stenbolê di navbera 29-30 pileyî da be, li Îzmirê di navbera 36-37 pileyî da be.