Operasyona terorê ya li Şirnexê li ber qedandinê ye
Li Şirnexê, operasyona ku dijî mensûbên PKKya rêxistina terorê dewam dike, ji sedî 80 temam bû.
ŞIRNAK
Li Şirnexê, operasyona ku dijî mensûbên PKKya rêxistina terorê dewam dike, ji sedî 80 temam bû.
Li Şirnexê operasyona "Şehît Cendirme Ustegmen Mehmet Çîfcî" a ku Hêzên Çekdar ên Tirkiyê (TSK) û hêzên ewlehiyê di 14ê adarê da piştî qedexeya derketina derva ji bo qefaltina terorîstan, ser girtina kozikan û rakirina berîqatan da dest pê kirin bi biryar berdewam dike.
Çavkaniyê ewlehiyê ragihand ku ji sedî 80yî operasyon temam bû, terorîstên li Taxa Bahçelîevler, Gazîpaşa û Îsmetpaşa xistin kontrola xwe.
Cendirme û tîmên tevgera taybet a polêsan bangewaziya "werin teslîm bibin" dike.
Di 24 saetên dawî da 7 terorîst hatin kuştin, di roja 50yemîn a operasyonê da hejmara terorîstên ku hatin kuştin gihîşt 290î.
Terorîstên PKKyî ji aliyekî va li hemberî hêzên ewlekariyê bertek nîşan didin, bi roketavêj, teqemeniyên destî û çekên lûledirêj êrîşê hêzên ewlehiyê dikin, ji aliyê din va jî xaniyên ku jê vedikişin didin ber agir.
- 3 hezar û 163 xaniyan da lêgerîn hat kirin
Hêzên ewlehiyê di 50 rojî da 159 berîkat rakirin, ser 21 çalan girtin û 843 teqemeniyên destî îmha kirin.
Li navenda bajêr ku hê li wir qedexeya derketina derva dewam dike, heta niha di 3 hezar û 163 xaniyan da lêgerîn hat kirin.
Ekîbên têkoşîna bi terorê ra, li herêmên ku berê lêgerîn hatibû kirin cardin lêgerînê dikin û ji bo rê libergirtina reva terorîstan tedbîran hildidin.
- Ji bajêr dûman radibe
Operasyon bi tevkariya TSK û hêzên ewlekariyê dewam dike, ji bajêr dûman radibe. Pisporên bombeîmhekirinê teqemeniyên ku terorîstan bi cih kiribûn yeko yeko îmha dikin. Herwiha kêliya teqîna bi kontrol a di avahiyekê da jî ji hewa û erdê va bi kamerayan hat qeydkirin.
Ji ber şerê li bajêr carinan ceyran diçe, herwiha walîtî alîkariya xurekê dide welatiyên ku li vir man.
- Ji hêzên ewlehiyê ra ji Sîmavê xurek şandin
Ji çar aliyên welêt ji hêzên ewlehiyê ra pakêtên xurekê û nameya dişînin.
Welatiyên Sîmava navçeya Kutahyayê, ji bo 3 hezar kesî pakêtên xurekê şandin Şirnexê.
Li herêmê pakêt dan hêzên ewlekariyê û nameyên ku xwendekaran şandibûn jî li ser dîwaran daliqandin. Xwendekar bi name û resmên ku xêz kiribûn moralê didin hêzên ewlehiyê.
Li bajêr qedexeya derketina derva dewam dike û destûrê nadin ku kes têkeve herêmê.
