ANKARA
Arîkarê Serokwezîr Yalçin Akdogan bi nûnerên Ankarayê yên saziyên çapemeniyê re li Midûriya Giştî ya TRTyê hate bal hev û bersiva pirsan da.
Akdogan beriya ku bersiva pirsên der barê rojevê de bide der heqê qada wezareta xwe de axivî û got ku qada xebata wî ragihandin û dîplomasiya kamûyê ye.
Akdogan da zanîn ku TRT, Anadolu Agency, Midûriya Giştî ya Enformasyon û Çapemeniyê, Saziya Îlan û Çapemeniyê, RTUK û Kordînatoriya Dîplomasiya Kamûyê girêdayî wî ne. Akdogan bal kişand gelek girîng e ku ev sazî bi kordîne bi hev re bixebitin, projeyên hevpar çêbikin û di çarçoveya stratejiyeke ragihanê û kordînasyonê de tevbigerin. Akdogan destnîşan kir ku piraniya van saziyan karên wek hev dikin û bi hevkariyê dibe ku di qadeke berfirehtir de çalak bin."
-"Ka bila carek ew fehm bike ka çi gotiye"
Rojnamevanekî pirsa "Ocalan der barê DÎŞIyê de 'ji bo şerê di asta mezin de bangî gelê herêmê kir'. Hûn di vê mijarê de çawa difikirin?" kir. Akdogan bi bîr xist ku heman pirs ji Parlementerê HDPyê yê Stenbolê Sirri Sureyya Onder jî hatibû pirsîn.
Akdogan bi bîr xist ku Onder di bersiva xwe de got ku 'Ez dê biçim û biaxivim hîn bim ka dixwaze çi bibêje' Akdogan got ku "Ka bila carek ew fehm bike ka çi gotiye, ji wî çi fehm dikin. Pişt re em nirxandinek bikin. Ango ez li ser gotina Ocalan şîroveyê nekim."
-"(Pêvajoya çareseriyê) Ez bawer dikim ku gelek serkeftî berdewam dike"
Rojnamevanekî nirxandina wî ya li ser hevdîtina bi HDPyiyan re pirsî û got ku "Gelo dê nexşerê bê eşkerekirin an li bendê ne ku alî pêngavan biavêje?" Akdogan ev pirsê wiha bersivand: "Ev pêvajo bi awayekî gelek serkeftî berdewam dike."
Akdogan diyar kir ku HDP car carna bi armanca taktîka siyasî an jî ji bo gireseya xwe daxuyaniyan dide û wiha axivî: "Ez wisa bawer dikim ku ev pêvajo bi awayekî serkeftî berdewam dike. A rast ez wisa bawer dikim ku em niha asta herî baş a heta niha de ne."
Akdogan wiha pê de çû: "Ez kesekî wisa me ku ev çend sal in ku bi awayekî di nav vê pêvajoya çareseriyê de me. Li ji aliyê dîplomasiya kamûyê û ragihanê ve, li parlementoyê jî wek wezîrê ji rêzikdanînê berpirsyar jî bi awayekî bi van partiyan re di nav têkiliyê de me. Ji ber vê yekê ez dê ji niha pê ve bi HDPyiyan re bêtir hevdîtinê bikim. Ne tenê bi HDPyê re dê bi partiyên din re jî di çarçoveya xebatên rêzikdanînê de têkîliyên me çêbin. Em divê vir bingeha diyalogan xurt bikin. Ji ber ku hûn çiqas diyalogên baş daynin hûn ê ew qas baş hev fehm dikin. Hin caran xeletfehmkirin çêdibin. Niha di vê mijara herêma tampon de alozî derxistin. Carek Qendîl cara din jî HDPyî daxuyanî didin. Mijar çi ye? Di her mijarê de daxuyaniyên tehdîtwarî bên dayîn, "Eman dê pêvajo biqede, heke heta vê demê nebe dê biqede' ev tişteke xelet e. Ji ber vê yekê girîng e ku bêtir têkilî bên dayîn û ji bo diyalogê bingeheke xurttir bê avakirin. Girîng e ku her kes hev û geşedanan baş fehm bike. Di vê çarçoveyê de hevdîtin jî dê ji niha pê ve berdewam bikin. Her dem berpirsyariyan dixin sitûyê Tirkiye û hikûmetê, em divê mijarê de vê dibînin. Her dem 'Hikûmet dê kîjan pêngavê biavêje', 'Hadî bila hikûmet pêngavan biavêje' ev azîne rast nîne. Carna hewce dike ku tehdeyê aliyê din bikin. Ew çi dikin?"
-"Divê bikeve nav biryara bêçalakiyê"
Akdogan bi bîr xist ku hikûmetê der barê mijarê de gelek pêngav avêtin û wiha berdewam kir:
"Li herêmê di vê pêvajoyê de hin bûyerên şîdet û asayîşê yên wekî rêbirîn, revandina mirovan, şewitandina wesayîtan, xereç sitandin. Divê dawî li hemû bûyerên asayîş û tehdeyê bînin. Divê rêxistin der barê mijarên derketina derveyî sînorên Tirkiyeyê û mijarên ku hatin axafin de pêngavan biavêje. Heke dema mirov bi vî awayî lê dinêre çarçoveyeke hikûmetê heye. Hikûmet dizane ku çi dike, dê çi bike lê rast nîne ku ev hemû bi hûrguliyên xwe bi raya giştî re bê parvekirin lê hikûmeteke ku dizane çi dike û di wê rêyê de diçe heye."
