بوومەلەرزەیەک بە گوڕی ٧،١ پلە پیرۆ ـ ی ھەژاد

ئەنقەرە ــ AA

بوومەلەرزەیەک بە گوڕی ٧،١ پلە بە پێوەری رێختەر سنووری رۆژھەڵاتی پیرۆ لەگەڵ بەرازیل و بۆلیڤیا ھەژاند.

لەمبارەیەوە دەستەی جیۆلۆجی ئەمریکا بڵاوی کردووەتەوە کە بوولەمەرزەکە بە قوڵایی ٦٠٩ کیلۆمەتر روویداوە.

بە پێی دەستەکە، ناوەندی بوولەمەرزەکە بە دووری ١٣٥ کیلۆمەتر لە رۆژئاوای گوندی ئیناباری لە رۆژھەڵاتی پیرۆ و بە دووری ٢٢٦ کیلۆمەتر لە شاری کوبیخا لە بۆلیڤیا بووە.

سەبارەت بە زیانە گیانی و ماددییەکانی بوومەلەرزەکە، تاوکو ئێستا ھیچ زانیارییەک لەو بارەیەوە بڵاونەکراوەتەوە.