ئۆپه‌راسیۆنی قه‌ڵغانی فورات

ئه‌نقه‌ره‌ - AA

له‌ئه‌نجامی هێرشێكی هێزه‌كانی هاوپه‌یمانی نێوده‌وڵه‌تی بۆ سه‌ر چه‌كدارانی داعش له‌چوارچێوه‌ی ئۆپه‌راسیۆنی قه‌ڵغانی فوراتدا، چه‌كدارێكی داعش كوژراو ئوتومبێلێكی سه‌ربازی و دژه‌ فڕۆكه‌یه‌ك ته‌قێنرانه‌وه‌.

به‌پێی راگه‌یه‌نراوێكی سوپای توركیا، ئۆپه‌راسیۆنی قه‌ڵغانی فورات كه‌ 24ی ئاب ده‌ستپێكرا به‌رده‌وامه‌ و له‌ڕۆژی 76ه‌مدایه‌.

له‌چوارچێوه‌ی ئۆپه‌راسیۆنه‌كه‌دا هێزه‌كانی ئۆپۆزسیۆن له‌ باشووری خۆرهه‌ڵاتی راعی به‌ڕێژه‌یه‌كی زۆر كۆنترۆڵی ناوچه‌كانی بورج، ته‌ئه‌شاح و عامرییه‌یان كردووه‌.

له‌و ناوچانه‌دا جار جاره‌ پێكدادان له‌گه‌ڵ چه‌كدارانی داعشدا رووده‌دات.

هه‌روه‌ها 58 ئامانجی داعش و ئامانجێكی په‌كه‌كه‌/په‌یه‌ده‌ پێكران و حه‌شارگه‌ و تەقەمەنییەکانیان ته‌قێنرانه‌وه‌.

له‌سنووری توركیا-سووریا چاودێریی هێڵه‌كه‌ له‌لایه‌ن فڕۆكه‌ بێ فڕۆكه‌وانه‌كانه‌وه‌ به‌رده‌وامه‌.